【綜藝資訊】關嘉敏神級還原譚輝智仔女誤以為真係爸爸

關嘉敏（Carman）早前參與《福祿壽訓練學院》成為學員，被發掘扮嘢潛能。扮嘢表現愈戰愈勇的她最後更殺入十強，在《福祿壽訓練學院 終極對決》爭奪冠軍。雖然最後結果，Carmen 只能屈居第二名，不過她在決賽夜中，以《中年好聲音 2》譚輝智作為模仿對象，化身成痰輝智，大跳 〈屈到病〉，仍引起網絡熱話。由於她的扮相幾可亂真，完全不似 Carmen 本人，引來網民洗版式留言支持，大讚她神還原譚輝智，雖敗猶榮。

雖然 Carman 扮輝智扮得勁似，不過二人卻從未見面，因此《東張西望》安排了一個訪問，讓二人首次會面。初次見面，二人也說對方真人不似自己，輝智更說：「咁先睇到佢嘅功架，佢靚咁多，又要扮唔識跳舞。」Carman 感謝得到本尊肯定，輝智續說有 Carman 扮他，不單冇嬲，更是開心到爆。

輝智說《福祿壽訓練學院 終極對決》當晚，已收到很多朋友 send 短訊給他，說 Carman 扮他，他也覺得 Carman 扮得似。不止本尊覺得 Carman 似到十足，連輝智的仔女也被 Carman 扮相呃到。「我屋企小朋友睇緊呢個節目，佢哋見佢表演完，就問：『爹哋係咪輸咗？爹哋去咗邊？』連佢哋都覺得似！」Carman 笑談當日決賽的奇遇，她說出場前，在電視城閒逛，有人跟她說譚輝智來了，問清楚才知道對方誤似為 Carman 就是譚輝智。真假輝智引起網絡熱話，輝智坦言希望有同台演出的機會。「好想一齊同台，到時你扮甩 beat，我苦練舞蹈。」